Volgens die Voorsitter

Sedert sy klein begin in 2000 het die Gariep Kunstefees daarin geslaag om die kunste in alle vorme in Kimberley te vestig, TOONAANGEWEND en sommer lekker te wees.
NUUT-Rooi Vir die eerste keer is die fees ’n platform vir ’n plaaslike skrywer, Sabata-mpho Mokae, om sy eerste engelse fiksie titel bekend te stel.
Oudergewoonte spog die fees weer vanjaar met van die grootste name in die bedryf wat insluit Emo Adams, Chris Chameleon, Theuns Jordaan, Karen Zoid, Riana Nel, Freshlyground, Monark, Elize Cawood en Winston Dunster, Frank Opperman en Marion Holm.
NUUT-Groen Die splinternuwe “Mmino wa Basha” (Stem van die Jeug) is ’n natuurlike amfiteater waarop onder andere Marimba-groepe en ander instrumentele groepe hul talent ten toon gaan stel.
NUUT-Blou Die fees spog ook vanjaar met die Clover Tropika Oase waar feesgangers bekendes soos Koekedore en Kokkedore kan ontmoet en aan die Little Big KOEK-Off kan deelneem.
NUUT-Pienk Moet ook nie die kykNET fotohoekie misloop nie, gaan neem gerus ’n selfie saam met jou gunsteling kykNET persoonlikheid.
Feesgangers sal vanjaar weer bederf word met heerlike geregte en die sagste sosaties in die land en unieke kunsartikels.
NUUT-Pers Vir die TOONAANGEWENDE jeug voeg ons vanjaar die ATKV-liedjieslypskool by die radio-omroeperswerkswinkel en dramawerkswinkel. Miskien is die volgende groot nasionale kunstenaar een van dié feeskinders.
Die fees gaan ook weer, in samewerking met ons gewaardeerde borge, vele sosiale opheffingsinisiatiewe aanpak wat die 1 000 Kidz vir die Kunste- en A Ticket 2 the Show-projekte insluit.

Aan alle besoekers – mag u die sonskynweer van die Noord-Kaap, die gasvryheid van die inwoners en die TOONAANGEWENDE program van die Gariep Kunstefees terdeë geniet.

Vrywaring:

Hierdie webwerf behoort aan die Gariep Kunstefees. Alle inhoud is na die beste van ons vermoë volledig en korrek weergegee. Die program is onderhewig aan verandering sonder enige kennisgewing. Indien daar foute in die produksies se opsommings voorkom, aanvaar ons geen aanspreeklikheid daarvoor nie aangesien die inligting verskaf is. Geen logo's, foto's of ander grafika mag gereproduseer word nie.