Gariepfees

Klik hier om solank 'n voorsmakie van die interessante kos- en kunsmark produkte wat jy by dié jaar se fees kan aantref te sien.

Voorwaardes Pretpark

  • Terug na aansoekvorm

  • Ligging: Oppenheimer-Tuine Kimberley         

  • ALGEMENE INLIGTING
    Alle Pretparkaansoeke moet van 'n volledig ingevulde aansoekvorm, produkbeskrywing en afmetings van die spasie wat u benodig en sover moontlik, foto's van u toestelle/ritte, vergesel wees en die feeskantoor nie later as 31 Mei 2012 bereik nie. Met die ontvangs van u aansoek, sal die Feesbestuur die prys van u staanplek bepaal. Nie alle items waarvoor u aansoek doen sal noodwendig gekeur word nie, aangesien ons 'n beperking op die aantal stalletjies per item plaas. 'n Ooraanbod van items sal beperk word. U sal teen 5 Junie 2012 inkennis gestel word van die koste verbonde asook vir watter items u gekeur sal word.

    SLUITINGSDATUM: 31 Mei 2012                                                                                                                       KEURINGSUITSLAG: 5 Junie 2012

  • BETALING
    Nadat die feesbestuur u inkennis gestel het van die koste van u staanplek, moet u die volle bedrag in die onderstaande rekening inbetaal teen nie later as 15 Junie 2012. U moet n bewys van inbetaling aan die fees lewer met n duidelike verwysing daarop. Pos hierdie aansoekvorm na:
    Gariep Kunstefees, Pretpark, Posbus 1281, Kimberley, 8300.   (GEEN GEFAKSDE AANSOEKE SAL AANVAAR WORD NIE!)
    Bankbesonderhede:  Gariep Kunstefees, Absa Bank, Reknr: 405 5220 861, Takkode: 500 902   (GEEN TJEKS WORD AANVAAR NIE!)

  • HANDELSURE
    Die Pretpark dryf daagliks handel van 09h00-23h00. Uitstallers met die nodige voertuigpermit sal reeds vanaf 07h30 toegang tot die terrein hê om u nodige toerusting af te laai, indien enige, en teen 09h00 moet voertuie uit die terrein wees. Gedurende die aand sal die voertuie toegelaat word om die terrein binne te kom om 23h00 en moet almal uit wees teen 23h45. Voertuie wat oortree sal beboet word. Alle uitstallers moet handel dryf tot Sondag, 2 September 2012, om 13h00. Geen voertuie sal voor 13h00 die terrein binnegelaat word nie.

  • TOEGANGSPERMITTE
    U ontvang 2 Stalletjie-eienaar/toegangskaarte per eienaar. Dit verleen toegang tot die terrein aan twee persone per dag vir die duur van die fees. Indien u bykomende hulp by u stalletjie benodig kan stalletjiehulp-kaarte gekoop word tydens registrasie teen R100-00 per persoon vir die duur van die fees. U sal ook u verpligte stalletjienommer tydens registrasie ontvang teen 'n deposito van R30-00 wat terugbetaalbaar is indien die nommer onbeskadig terugbesorg word Sondag tussen 12h00 en 14h00. Geen deposito’s sal daarna terugbetaal word nie.

  • KRAGPUNTE
    Elke Kragstalletjie kry een toegekende 15 amp kragpunt vir beligtingdoeleindes. Stalletjiehouers moet asb. hul eie verlengingskoorde, in goeie werkende toestand, saambring. Verseker ook asseblief dat alle kragtoestelle saans afgeskakel is. Daar is geen drie-fase krag beskikbaar nie. Nie-krag stalletjies is nie geregtig op krag nie en kan dus nie krag van iemand anders se stalletjie aanlê nie! Enige stalletjiehouer wat oortree in hierdie opsig se stalletjie sal onmiddellik gesluit word en geen gelde sal terugbetaal word nie.

  • .

    SEKURITEIT
    Die feesbestuur doen alles moontlik om die veiligheid van stalletjies gedurende gewone handelsure te verseker, maar neem geen verantwoordelikheid vir enige verliese nie. U is welkom om met Likrü Sekuriteit te skakel vir 'n sekuriteitsdiens op n individuele basis. U kan ook op die dag van registrasie met hierdie maatskappy reël vir 'n nagwag indien u dit sou verkies. Likrü Sekuriteit kan gekontak word by 053-832 1675. Slegs wagte van Likru Sekuriteit sal op die terrein toegelaat word.

  • OORNAG OP DIE TERREIN
    Geen stalletjiehouer sal toegelaat word om op die terrein te slaap nie. Die karavaanuitstallers moet asseblief deeglik kennis neem hiervan. Die terrein bied geen ablusiegeriewe nie. Die terrein word gedurende die aand geïnspekteer en oortreders sal gevra word om die terrein te verlaat en sal u stalletjie opgeskort word, sonder enige terugbetaling.

  • REGISTRASIE
    Registrasie vind plaas vanaf Maandag, 27 Augustus 2012 van 14h00 tot 16h30 en Dinsdag, 28 Augustus 2012, om 09h00 tot 16h30 by ons kantore te Du Toitspanweg 157 en Woensdag, 29 Augustus 2012 op die terrein vanaf 08h00 tot 16h00. GEEN REGISTRASIE SAL PLAASVIND OP DONDERDAG, 30 AUGUSTUS 2012. As jy nie teen Woensdag geregistreer het nie, sal jy beide jou stalletjie en stalletjiefooie verloor. Niemand sal voor Woensdag, 29 Augustus 2012 tussen 8h00 en 20h00 op die feesterrein toegelaat word nie. Hierna moet die terrein ontruim word. Maak asb. seker dat u die registrasienommer van u voertuig waarmee u voorraad gaan op- en aflaai gedurende die fees, saambring wanneer u kom registreer. Bring asb. ook genoeg geld saam om te betaal vir addisionele stalletjiehulp-permitte (indien benodig) en u stalletjienommer .

  • KANSELLASIES Indien u kanselleer voor die sluitingsdatum van 31 Mei 2012, sal daar 'n 10% + BTW as kansellasiefooi teruggehou word van u stalletjieprys. Indien u egter na 8 Junie 2012 sou kanselleer, verbeur u u stalletjiefooi. GEEN TERUGBETALINGS SAL GEDOEN WORD NIE. Kansellasies moet skriftelik aan die Bestuurder van Markte en Uitstallings, Anne-Marié Zimmermann, gerig word.

  • VOORWAARDES & VRYWARING

    • Die fees doen alle moontlike stappe om sekuriteit te verseker, maar kan nie aanspreeklik gehou word vir enige verliese, skade gely of beserings nie.

    • Geen onderverhuring sal toegelaat word nie.

    • Geen stalletjiehouer mag op die terrein oornag nie.

    • Reg van toegang word voorbehou. Die feesbestuur behou die reg voor om stalletjiehouers te skors indien hulle nie die neergelegde reëls nakom nie of hulself aan wangedrag skuldig maak.

    • Die feesbestuur aanvaar geen verantwoordelikheid vir die handhawing van konsessieregte tussen uitstallers nie. Geen kompeterende logo’s, met betrekking tot die fees se amptelike borge, sal toegelaat word nie.

    • U moet u stalletjie vir die VOLLE duur van die fees bedryf – geen uitsonderings.

    • Neem asseblief kennis dat die Kunsmark in 'n openbare park gehuisves word en toegang vir voertuie is nie oral moontlik nie. Verseker dus dat u produkte maklik kan vervoer word.

    • Stalletjiehouers is self verantwoordelik vir die in- en oprigting van stalletjies, die fees voorsien slegs die spasie. U moet in u toegekende spasie pas asseblief. Bring asseblief ‘n gieter vir die stof. Alle voedsel moet op die terrein voorberei en gaargemaak word

    • Geen stalletjiehouer is verseker om weer op sy vorige plek geplaas te word nie. Plasing is finaal.

    • Klagtes en knelpunte kan direk met die Bestuurder van Markte en Uitstallings opgeneem word.

    • Geen troedeldiere of drank sal by kosstalletjies toegelaat word nie.

    • Vervoer, parkering en verblyf is die uitstaller se eie verantwoordelikheid. U kan die feeskantoor skakel by 053-832 5014/7 vir inligting of ons webblad besoek by www.gariepfees.co.za

    • Voorkeur sal verleen word aan aansoekers met volledige aansoeke op ‘n eerstes-basis.

    • Slegs die produkte op u keuringsvorm sal toegelaat word.

    • Daar sal geen parkering wees vir voertuie binne-in die terrein nie. 

    • Verdere vereistes sal aan u deurgegee word op u aanvaardingsvorm.


    INSTRUKSIES     Lees asseblief hierdie voorwaardes noukeurig deur en maak seker u verstaan al die inligting in hierdie dokument. Vul dan die aanlyn aansoekvorm/kontrak volledig in en klik op stuur.

    Verseker asseblief dat u dat u die terme en voorwaardes gelees het en aanvaar aangesien dit as kontrak dien. Stuur bewys van volle betaling en foto's aan stalletjies@gariepkunstefees.co.za. Maak seker dat u 'n deeglike produkbeskrywing verskaf. Aansoeke wat die feeskantoor na 31 Mei 2012 bereik, sal aan 'n 10% heffing op laat aansoek onderhewig wees. Aansoeke word gekeur en geplaas soos dit ontvang word, m.a.w. op 'n eerstes basis.

    GEEN FAKSE, GEEN TJEKS.

    Dit is die stalletjiehouer se verantwoordelikheid om navraag te doen indien u geen korrespondensie ontvang nie.

  • Terug na aansoekvorm